"Снайперскі рубеж" пакарыўся беларускім вайскоўцам

Пасля першага этапа спаборніцтва наша каманда ў лідарах. Нагадаем, гэты від Армейскіх гульняў праходзіць у нашай краіне. Ужо вызначылася васьмёрка ваенных  снайпераў-фіналістаў. Гэта Беларусь, Расія, Казахстан, Кітай, Узбекістан, Іран, В'етнам і Азербайджан. Высокі вынік нашай зборнай прынёс Яўген Кулеш. Удзельнікі са становішча лежучы за тры хвіліны паразілі  тры мішэні на далёкасці ад 300 да 600 метраў шасцю стрэламі. 

Уладзімір Белы, галоўны суддзя конкурсу "Снайперскі рубеж": "Адкрыццём стала каманда В'етнама - дэбютант спаборніцтваў. Яна абышла моцных сапернікаў, якія паказвалі добрыя вынікі летась. Вельмі моцна дадала каманда Азербайджана ў параўнанні з мінулым годам. Яна наступае ўсім на пяткі. Жадаю адзначыць, што судзейства конкурсу абсалютна аб'ектыўнае і бесстаронняе. Судзейская калегія працуе зладжана".

Наперадзе ў каманд выкананне практыкаванняў у парным заліку. Скончацца спаборніцтвы снайперскай эстафетай. Годна выступае і каманда вайскоўцаў тэрміновай службы па-за залікам.