Службы МНС, ДАІ і АСВОДа далі парады сталічным школьнікам

Што рабіць, калі здарыўся пажар, як сябе паводзіць на вадзе і дарозе. Спецыялісты нагадалі вучням аб асноўных правілах бяспекі ў гульнявой форме. Акрамя тэматычных відэаролікаў і бліц-апытанняў, вучням дазволілі прымерыць спецадзенне і адчуць сябе ў ролі ратавальнікаў.

Аляксандра Драгун таксама не ўпусціла такой магчымасці.

Хоць пакуль у пятым класе, але ўжо інспектар дарожнага руху. Ксенія і без напаміну добра ведае правілы бяспекі, нездарма два гады яе атрад навучаюць супрацоўнікі ДАІ. Цяпер сама вучыць аднакласнікаў і сяброў.

Сёння Ксенія папоўніла свае веды. Бо ў школе - прафілактычны рэйд з патроенай сілай. Службы ДАІ, МНС і АСВОДа разам нагадалі вучням аб асноўных правілах бяспекі ў займальнай форме.

Прафілактыка - комплексная. Ад правілаў дарожнага руху да паводзін на вадзе. Тут можна не толькі палепшыць свае тэарэтычныя веды, але адчуць сябе ў ролі ратавальніка-пажарнага - прымерыць баявое адзенне. Прафесіяналы апранаюць яго за 16,5 секунд. Вядома, практыка. Вучні ж ацанілі зручнасць і камфортнасць.

Гэты тэматычны стэнд абступілі выключна хлопцы. І не здарма. Тут раскрываюць тайны падводнага свету, працы АСВОДа і расказваюць аб экіпіроўцы вадалаза.

Прафілактычная акцыя прымеркавана акурат да летніх канікул. Засяродзіліся менавіта на тых бытавых здарэннях, з якімі дзеці могуць сутыкнуцца падчас адпачынку.

Да 6 чэрвеня ў сталіцы праходзіць рэспубліканская акцыя Увага, дзеці! Вадзіцелям нагадваюць: у светлы час рухацца з уключаным святлом, зніжаць хуткасць на пешаходных пераходах і быць асабліва асцярожнымі на дваровых тэрыторыях.