У Дзень народнага адзінства горад Жодзіна ўзбагаціўся на знакавы манумент.
Цяпер на ўездзе у горад гасцей будзе сустракаць бронзавая фігура Божай Маці. Над стварэннем скульптуры працавалі на працягу трох гадоў. Гэта была літаральна ўсенародная ініцыятыва - ідэя стварэння выявы Божай Маці належала жыхарам Жодзіна.
Над скульптурай Божай Маці - а гэта 5 метраў вышыні - працаваў вялікі калектыў. Усе удзельнікі праекта сёння атрымалі падзяку і ганаровыя граматы ад кіраўніцтва горада.
