У рытме фестывалю ўсе найбліжэйшыя дні. Віцебск чакае цырымонію афіцыйнага адкрыцця Міжнароднага фестывалю мастацтваў. 31 песенны форум - доўгажыхар на постсавецкай прасторы і самае маштабнае свята культур ва Усходняй Еўропе. Сёлета горад на Дзвіне збірае прадстаўнікоў трох дзясяткаў краін.
Раніцай асабліва чакалі гэты зорны састаў з Масквы. На чыгуначным вакзале ў Віцебску артыстаў сустракалі фанаты, прадстаўнікі дырэкцыі, журналісты. Большасць зорак - даўнія сябры фестывалю. Сяргей Бязрукаў, Дзяніс Майданаў, Аліна Артц, Зара. Ужо сёння ім будуць апладзіраваць гледачы "Славянскага базару".
І сёння на "Славянскім базары" стартуе тэатральная праграма. У афішы адразу некалькі спектакляў. Відовішчнае шоу чакае і гасцей V Міжнароднага фестывалю барабаншчыц і мажарэтак, які адбудзецца на адкрытай пляцоўцы. У дзень урачыстага адкрыцця сюрпрызы рыхтуюць і ўдзельнікі фесту вулічнага мастацтва "На сямі вятрах". У іх распараджэнні самыя папулярныя лакацыі Віцебска!
