Сезонныя вітаміны па добрых цэнах! Сельскагаспадарчыя кірмашы працягваюць працаваць. Сёння гандлёвыя рады разгорнуцца ў кожным раёне Мінска. Самая маштабная лакацыя па традыцыі ля "Чыжоўка-Арэны". Дарэчы, цэны на бульбу там стартуюць ад 40 капеек. Яблыкі можна набыць ад 44-х, бурак - ад 12 капеек. У асартыменце таксама морква, цыбуля, таматы. Попыт пакупнікоў ёсць таксама на мёд, мясную, малочную і рыбную прадукцыю.
Дзмітрый Пляханаў, намеснік начальніка аддзела галоўнага ўпраўлення спажывецкага рынку Мінгарвыканкама: "Усяго з пачатку сезона прынялі ўдзел 5700 суб'ектаў. Рэалізавана парадку 1610 тон: прыярытэтна - гэта плодаагароднінная прадукцыя (каля 1300 тон). Больш за ўсё, вядома ж, набылі на пляцоўцы бульбы - 298 тон".
Сёння гандлёвыя рады будуць працаваць з 10 да 16 гадзін. Працягнуцца кірмашы і заўтра. Дарэчы, ля "Чыжоўка-Арэны" пажылым пакупнікам дапамагаюць валанцёры. Арганізаваная бясплатная дастаўка.
