У Міжнароднага дня сям'і сёлета юбілей. Афіцыйным святам ён стаў роўна 20 гадоў таму. Сям'я - самае важнае ў жыцці любога чалавека, пра гэта сведчаць і лічбы. У Беларусі сёння без малога 3 мільёны сем'яў.
Улада Карніцкая пра сямейныя каштоўнасці.
Нават высакосны год не перашкода. Беларусы аказаліся не занадта забабоннымі, у 2012 у нашай краіне з'явілася адразу 76 тысяч сем'яў. Сёлета, заяўляюць у Нацыянальным статыстычным камітэце, гэтая лічба можа вырасці ўдвая.
Дзяўчаты лічаць за лепшае выходзіць замуж у 25, а мужчыны прымяраюць вясельны смокінг у 27 гадоў. Апошні час стала прыкметна яшчэ адна тэндэнцыя. Усё больш маладажонаў пенсійнага ўзросту афіцыйна рэгіструюць адносіны. Толькі летась у ЗАГСы зазірнулі каля 600 такіх пар.
Вольга Клаўсуць, прэс-сакратар Нацыянальнага статыстычнага камітэта Беларусі: З кожным годам сярэдні ўзрост уступлення ў шлюб павялічваецца, як і ў шматлікіх еўрапейскіх краінах. Для параўнання ў 2005 годзе жанчыны ўступалі ў шлюб упершыню ва ўзросце 23 гадоў, а мужчыны ва ўзросце 26 гадоў.
У сярэднім у 25 гадоў беларускі становяцца маці. Усяго ж летась з'явілася 120 000 малых. Прычым, гэтая лічба з кожным годам прыкметна расце. Часцей за іншых крык нованароджаных чуюць урачы ў Брэсцкай вобласці. Двайняты ў Беларусі, калі параўноўваць з 2011, сталі нараджацца часцей. Больш стала і трайнят. У 2012 у 45 сем'ях з'явіліся адразу тры малыя.