Усяго 4 дні застаецца да галоўнай спартыўнай падзеі года: у пятніцу ў Рыа-дэ-Жанейра адбудзецца ўрачыстае адкрыццё Алімпійскіх гульняў.
А сёння ў Бразілію адправілася дэлегацыя Белтэлерадыёкампаніі - 35 чалавек: журналісты, каментатары, аператары, відэаінжынеры і тэхнікі. Усе яны будуць прыкладаць максімум высілкаў для таго, каб гульні чатырохгоддзя асвятляліся максімальна ярка. Самы вопытны чалавек у дэлегацыі - каментатар Уладзімір Навіцкі.
Уладзімір Навіцкі, каментатар тэлеканала "Беларусь 5": "Для мяне гэта - як я жартую сумна: так доўга не жывуць - ужо 11-я Алімпіяда. За ўсю суверэнную гісторыю нашага роднага спорту я прапусціў толькі адну, летнюю ў 1996 годзе ў Атланце. Як заўсёды, як і перад першай Алімпіядай, з якой давялося весці рэпартажы, пачуццё толькі адно: вялізнай адказнасці. Жаданне таксама толькі адно: пастарацца якасна, прафесійна адрабіць".
Іван Эйсмант, галоўны дырэктар Агенцтва тэленавін: "Тры каналы Белтэлерадыёкампаніі будуць паказваць Алімпійскія гульні. Гэта "Беларусь 1", "Беларусь 2" і "Беларусь 5". Круглыя суткі можна будзе глядзець трансляцыі з Рыа-дэ-Жанейра. Мы пакажам літаральна ўсё. Ні адно спаборніцтва не сыдзе ад нас. Што датычыцца Агенцтва тэленавін, мы будзем рыхтаваць дзённікі двойчы на дзень. Раніцай - кароткі выпуск навін. А ўвечар, пасля "Панарамы", - вялікі, выніковы выпуск дзённіка".
Шматлікіх беларускіх спартсменаў яшчэ чакае пералёт у Бразілію. Напрыклад, прадстаўнікі вольнай барацьбы адправяцца на Алімпіяду толькі 17 жніўня.
