Сёння па ўсёй краіне пройдуць прававыя прыёмы

Больш за сотню інспектараў працы Федэрацыі прафсаюзаў Беларусі акажуць бясплатную юрыдычную дапамогу ва ўсіх раённых і абласных цэнтрах краіны. На гэтым тыдні на інтэрнэт-партале ФПБ стартаваў сэрвіс для пошуку юрыстаў па рэгіёнах і галінах. Для размовы неабходна азначыць свой раён і сферу дзейнасці, а праграма прапануе спіс спецыялістаў, якія дапамогуць. Дарэчы, толькі за першае паўгоддзе гэтага года юрысты далі амаль 80 тысяч кансультацый.