Не па-красавіцку цёплае надвор'е радуе не толькі людзей, але і насякомых. Санітарныя ўрачы аб'явілі пачатак масавай актыўнасці кляшчоў. У апошнія гады ад пацяплення клімату насякомыя з'яўляюцца даволі рана: першы ўкус кляшча ў краіне зафіксавалі яшчэ ў пачатку студзеня. Дарэчы, гэтыя насякомыя - пераносчыкі такіх небяспечных хваробаў, як лайм-барэліёз і нават смяротны энцэфаліт. Антаніна Станкевіч даведалася, як усцерагчыся ад укусаў насякомых.
Маладая мама Ксенія Цыганок зараз нават у гарадскі сквер на прагулку выходзіць дасканала падрыхтаваўшыся. І справа не толькі ў тым, каб не забыць неабходныя дробязі. З асабістага вопыту ведае: укус кляшча можа павярнуцца сур'ёзнымі непрыемнасцямі.
Кляшчы - пераносчыкі інфекцыйнага захворвання лайм-барэліёзу і нават смяротнага энцэфаліту. Шанцы заразіцца першым - прыкладна 1 да 3, энцэфаліт сустракаецца радзей, але і працякае куды небяспечней. Так што ў выпадку ўкусу трэба неадкладна звярнуцца да ўрача, каб ён прызначыў правільны антыбіётык.
Толькі ў Мінскай вобласці ўжо зафіксавана больш як два дзясяткі ўкусаў - і гэта толькі пачатак. Красавік абяцае быць анамальна цёплым, а для кляшчоў такое надвор'е самае спрыяльнае.
Выгляд, вядома, не вельмі эфірны, але бяспека, як і прыгажосць, патрабуе ахвяры. Знаходзячыся ў лесе, напрыклад, спецыялісты рэкамендуюць не толькі пакрываць галаву, але і дбайна хаваць аголеныя ўчасткі скуры, а таксама аддаваць перавагу высокім гумавым ботам.
Распазнаць самыя небяспечныя месцы, дзе кляшчы падцікоўваюць сваю ахвяру, нескладана. Як правіла, гэта недагледжаныя лясы, месцы, дзе расце высокая трава, і пляжныя зоны. Аднак насякомыя сустракаюцца нават у гарадской мяжы. Энтамолаг Алена Пазнякова як раз і правярае лесапаркавую зону. Летась тут зафіксавалі выпадкі ўкусу.
Перад летнім сезонам санітарныя ўрачы і спецыялісты-энтамолагі абследуюць усе месцы масавага адпачынку, а таксама дзіцячыя аздараўленчыя лагеры, санаторыі і базы адпачынку. Каб папярэдзіць выпадкі заражэння небяспечнымі захворваннямі, такія месцы пры неабходнасці прадэзінфіцыруюць.
Таксама можна зрабіць прышчэпку ад энцэфаліту, ад лайм-барэліёзу вакцыны няма. І ў першую чаргу тым, хто часта бывае ў лесе па працы, а таксама выязджае ў рэгіёны, дзе фіксуюць вялікую колькасць заражэнняў інфекцыйнымі захворваннямі.
