З Раством прадстаўнікоў каталіцкай канфесіі павіншуем на каналах Белтэлерадыёкампаніі. У эфіры медыяхолдынга 24-га, 25-га і 26-га снежня пройдуць прамыя трансляцыі богаслужэнняў з Мінска і Ватыкана.
На Багатую куццю да экранаў вернікаў запрашае "Беларусь 1". У 21:45 - прамы эфір службы са сталічнага Архікафедральнага касцёла Прасвятой Дзевы Марыі. Узначаліць імшу іерарх каталіцкай царквы ў Беларусі, архіепіскап-мітрапаліт Мінска-Магілёўскі Юзэф Станеўскі. Адразу пасля - у 23:45 - у рэжыме рэальнага часу калядная імша з Ватыкана з удзелам Папы Рымскага Францыска.
Святочнай раніцай Раства Хрыстова ў 07:50 на "Беларусь 1" са словам да вернікаў звернецца архіепіскап Юзэф Станеўскі. У працяг эфіру - тэматычны выпуск праграмы. У 18:05 на 3-й кнопцы пакажуць Пасланне і Благаславенне Папы Францыска "Гораду і свету" з Ватыкана.
26 снежня Першы нацыянальны канал Беларускага радыё ў 8:15 будзе весці прамую радыётрансляцыю Каляднага каталіцкага набажэнства.
