Рэспубліканскі патрыятычны злёт, прысвечаны 80-годдзю пачатку Вялікай Айчыннай, праходзіць у Мінску. У сталіцу з'ехаліся паўсотні дзяцей з усёй краіны. Гэта навучэнцы профільных класаў, пераможцы абласных конкурсаў і алімпіяд. Юныя патрыёты ўшанавалі подзвіг прадзедаў і ўсклалі кветкі да помнікаў героям.
Наперадзе дзясяткі тэарэтычных і практычных спаборніцтваў: страявая падрыхтоўка, вакальныя конкурсы, спартыўныя эстафеты, а таксама віктарыны на веданне гісторыі сваёй Радзімы.
Яшчэ адзін пункт праграмы - наведванне лакацый баявой славы. Патрыятычныя экскурсіі і конкурсы будуць праходзіць да канца тыдня.