Пятая батарэя зенітнага ракетнага комплексу "Тор-М2" паступіла на ўзбраенне зенітнага ракетнага палка ВПС і войскаў СПА. Гэта дазваляе не толькі нарасціць сістэму супрацьпаветранай абароны Беларускай АЭС, але і значна пашырыць баявыя магчымасці ўзброеных сіл на паўночна-заходнім кірунку. Беларуская сістэма СПА абсталяваная самымі сучаснымі ракетнымі комплексамі. Адна такая машына здольная захапіць, суправадзіць і знішчыць чатыры паветраныя цэлі. Цяжкасцяў не выклікаюць нават тыя, якія рухаюцца на вельмі малых вышынях і на вялікай хуткасці.
У гэты ж час вайскоўцы адзначылі немалаважную дэталь: комплекс мае патэнцыял для мадэрнізацыі - ужо вядзецца абнаўленне ракеты для пашырэння зоны паражэння да 18 кіламетраў. Акрамя таго, распрацоўваецца магчымасць павелічэння боекамплекта баявой машыны да 16 ракет. Працягваецца выкананне Дзяржпраграмы ўзбраення на 2016-2020 гады.
