Прамое ўключэнне з 32-га выбарчага ўчастка

На сувязі ўчастак нумар 32. Ён размешчаны ў 21-й сярэдняй школе. Там працуе мой калега  Аляксандр Харавец (прамое ўключэнне).

32-гі выбарчы ўчастак размясціўся на тэрыторыі 21-й сталічнай школы. Дарэчы, гісторыя гэтай навучальнай установы пачынаецца з 1944 года. Школа носіць імя Героя Савецкага Саюза легендарнага лётчыка Мікалая Гастэлы. Што ж да выбарчага ўчастка, то наша здымачная група тут знаходзіцца з 7 раніцы. І ў гэты час тут ужо былі ўсе члены выбарчай камісіі. Зараз яны знаходзяцца на сваіх рабочых месцах. Усе яны людзі вопытныя. І для многіх з іх гэтая выбарчая кампанія ўжо не першая. Адзначым, да адкрыцця ўчастка сюды прыбыла група назіральнікаў ад Міжпарламенцкай асамблеі СНД. Назіральнікі сочаць за тым, як арганізаваная праца камісіі і ці ўсё адпавядае міжнародным нормам выбарчага права.

Побач са мной знаходзіцца каардынатар групы назіральнікаў ад Міжпарламенцкай асамблеі СНД Алег Мельнічэнка. Алег Уладзіміравіч, добрай раніцы. Ці ёсць якія заўвагі па працы менавіта 32-га выбарчага ўчастка? 

Вяртаемся да працы выбарчага ўчастка нумар 32. Адзначым, тут, як і на ўсіх іншых участках у краіне, у сувязі з пандэміяй строга прытрымліваюцца рэкамендацый медыкаў. А гэта і сацыяльнае дыстанцаванне, і апрацоўка паверхняў, а таксама пісьмовых прылад дэзрастворамі. Ёсць і антысептыкі. Так што выбаршчыкі могуць апрацаваць рукі. Усяго тут зарэгістравана крыху больш за тысячу выбаршчыкаў. Некаторыя аддалі свой голас датэрмінова. Нам атрымалася запісаць інтэрв'ю са старшынёй участковай камісіі Дзянісам Вярыгам. Прапаноўваю паглядзець яго каментарый.

Тут жа разгарнуўся і выязны гандаль. Цэны з мінімальнымі надбаўкамі. Акрамя гэтага для выбаршчыкаў арганізаваная забаўная праграма. Пакуль жа тут не так шматлюдна. Яно і зразумела, мінчане толькі прачынаюцца. І пачнуць масава галасаваць трохі пазней.