Прафсаюзы ўзяліся за праверку ўмоў працы аграрыяў

Напярэдадні ўборачнай кампаніі прафсаюзы ўзяліся за праверку ўмоў працы аграрыяў. Па ўсёй краіне стартаваў месячнік бяспекі. Пад прафсаюзны кантроль трапяць самыя рэйтынгавыя парушэнні: няспраўнасць тэхнікі, адсутнасць сродкаў індывідуальнай абароны, рэжыму харчавання або пітной вады. Правераць кожную гаспадарку. У выпадку парушэнняў уручаць рэкамендацыі з жорсткімі тэрмінамі вырашэння праблем. І па вопыце мінулых гадоў - такія меры дапамагаюць знізіць лічбы вытворчай гібелі. У гэтай статыстыцы - па нулях у Гомельскай вобласці. Там да рэйдавай групы далучылася Ганна Кавалёва.

Вада, аптэчка, вогнетушыцель, спецадзенне і падарожны ліст з вердыктам медработніка - "дапушчаны да працы". Наяўнасць такога набору прафсаюзныя інспектары правяраюць у палях сельгаспрадпрыемства "Цяплічнае". І тут стаўленне супрацоўнікаў да закону аб ахове працы прынцыповае. 

Акрамя тэхнічнага боку пытання, рэвізоры праверылі і выконванне санітарных норм. Як раз час абеду. Вада, мыла, рушнік - усё ў наяўнасці. Для абеду - мабільны стол з крэсламі. І па традыцыі - першае, другое і кампот. Пасля трактарысты працягнуць укос травы. А на мехдвары ўжо рыхтуюцца да ўборкі збожжа. З праверкай пабывалі і там. 

Спраўнасць тэхнікі і супрацьпажарныя сродкі - гарант нулявой статыстыкі па ўзгараннях у палях. Дарэчы, сёлета сумны адлік ужо пайшоў. У пачатку чэрвеня 

ў Рагачоўскім раёне за лічаныя хвіліны згарэў камбайн. Следчы камітэт праводзіць экспертызу.

Да шчасця, смяротных здарэнняў у АПК Гомельскай вобласці з пачатку месяца не адбылося. А вось выпадкаў траўматызму за 12 дзён зафіксавана ўжо 10.

Задача інспектараў Федэрацыі прафсаюзаў - не проста выявіць парушэнні. Калі ёсць патрэбнасць у гаспадаркі, аказаць ёй матэрыяльную дапамогу для ўхілення праблем.

На найбліжэйшы месяц у камандзіровачным плане прафсаюзных інспектараў амаль 200 маршрутаў. Столькі гаспадарак рэгіёна павінны праверыць да 10 ліпеня. У выпадку выяўлення халатнасці кіраўнікі атрымаюць рэкамендацыі з жорсткімі тэрмінамі. Ухіленне парушэнняў будзе ісці пад кантролем тэхнічных інспектараў працы.