Па месцах баявой славы. Беларускую і расійскую моладзь аб'яднае сумесны праект "Цягнік Памяці". З кожным рэгіёнам зараз дэталёва прапрацоўваецца маршрут руху, прыпыначныя пункты, культурная праграма. Выдатнікі вучобы, пераможцы алімпіяд, міжнародных конкурсаў, тыя, хто праявіў сябе ў грамадскім жыцці сваёй краіны, за час маршруту змогуць наведаць музеі, месцы гістарычнай памяці. Веданне гераічнага мінулага дазволіць маладым людзям сфарміравацца паўнавартаснымі грамадзянамі сваіх краін.
На беларускай тэрыторыі "Цягнік Памяці" пройдзе праз Брэст, Гродна, Віцебск, Оршу, Гомель, Магілёў і фінішуе 3 ліпеня ў Мінску. На тэрыторыі Расіі ён зробіць прыпынкі ў Смаленску, Маскве, Вялікім Ноўгарадзе, Санкт-Пецярбургу.
