Аб сённяшнім дні незалежнай Беларусі распавядае маштабны праект Агенцтва тэленавін. Ён падводзіць своеасаблівы вынік таму, што зроблена за гады суверэнітэту. Сёння размова пойдзе аб Вялікім тэатры оперы і балета. У пачатку 90-х, калі на постсавецкай прасторы шматлікія акадэмічныя тэатры зачыняліся, а трупы распускаліся, гэты цэнтр высокага мастацтва ўдалося захаваць. Тэатр развіваўся, рэпертуар папаўняўся, а сам гістарычны будынак на Траецкай гары прайшоў рэстаўрацыю, пазайздросціць якой сёння мог бы любы тэатр Еўропы. Такім чынам, гісторыя галоўнага музычнага тэатра краіны прама зараз.
З першых дзён свайго існавання (а гэта з канца 30-х) - самая высокая і прэстыжная акадэмічная пляцоўка краіны. Зала нумар адзін, якая збірала ўрадавыя канцэрты і важныя дзяржаўныя з'езды, дзесяцігоддзямі сумяшчала трыбуну з падмосткамі, дзе стваралася элітарнае мастацтва. Тэатр оперы і балета, паўразбураны і разрабаваны ў гады Вялікай Айчыннай, пасля вайны быў адноўлены. Гісторыкі сведчаць: тады аб'ект здалі не да канца - спяшаліся да чарговага з'езда, ды і можна зразумець - тэхналогіі тых часоў далёкія ад сённяшняй дасканаласці.
Узяцца за цяжкія праблемы гэтага велічнага гістарычнага будынка і ператварыць яго ў візітную картку не толькі Мінска, усёй краіны ўзяліся ў 2006. Усяго тры гады і аварыйны будынак на Траецкай гары змяніўся да непазнавальнасці.
Да ўласнага 70-годдзя і Міжнароднага свята жанчын 8 Сакавіка 2009 года тэатр запрасіў гледачоў на першае знаёмства з абноўленымі заламі.
55 метраў у даўжыню і 24 у шырыню - у распараджэнні нашых артыстаў самая вялікая ў Еўропе сцэна. А гэта магчымасць паказу ўсяго сусветнага рэпертуару. Калі замежныя калегі гадамі паказваюць адзін спектакль, у беларускім Вялікім за год больш за 10 новых спектакляў. Пазл айчынных падмосткаў падзелены на 21 пляцоўку, калі, напрыклад, Вялікай Расіі мае іх усяго 6. Дарэчы, сакрэт і прызначэнне сцэнічных міні-ўчасткаў у тым, што яны могуць рухацца, паднімаючыся на 4 з паловай і апускацца на 3 тры з паловай метры, а гэта поўная свабода дзеянняў для пастановачнай фантазіі.
Калі выступаюць балетныя - рухомая сцэна нахіляецца, даючы гледачу магчымасць найлепшага прагляду танцуючых ног. А яшчэ пляцоўка крыху спружыніць, дапамагаючы самім артыстам танцаваць больш віртуозна і мякка. Усёй тэхнічнай гаспадаркай танцоўшчыкаў загадвае спецыяльная балетная фура памерам 16 на 15 метраў. Штораз да спектакля яна выязджае з 20-метровага трума, дзе і захоўваецца, саступаючы месца оперным спектаклям. У оперы свая фура, з колам, што верціцца і кальцом, што могуць рухацца як разам, так і паасобку. Свая фура ёсць і ў аркестрантаў. Пляцоўка музыкантаў можа змяняць свае пазіцыі па вышыні.
20 люкаў правалу, 70 дэкарацыйных пад'ёмаў, больш за 500 светлавых прыбораў, што абслугоўваюць сцэну - для іх паралельна з музычнай пішацца свая, светлавая партытура. "Дырыжораў" няшмат - 11 супрацоўнікаў-тэхнікаў, якія простым націскам камп'ютарнай кнопкі ажыўляюць вялізныя металізаваныя фабрыкі над і пад сцэнай. Прычым усё жалеза працуе бясшумна.
Творчы камфорт артыстаў не заканчваецца сцэнай. Пашывачны і прымерачны цэхі, рэпетыцыйныя залы для кожнага падраздзялення. Асабліва пашанцавала танцоўшчыкам - у іх адразу 2 вялікія балетныя памяшканні для падрыхтоўкі спектакляў.
Крэслы для гледачоў, абітыя аксамітам, і інтэр'ерны брэнд Вялікага - аднагодка тэатра, гіганцкая ў дзве тоны вагой люстра. Раз на год свяцільня памерам 4 з паловай на 3 з паловай метры апускаецца, тры тысячы лямпачак праходзяць чыстку і замену. Пояс партэра і ўся ляпніна ў пазалоце. Аналіз савецкага рамонту паказаў, сям-там ляпніна была заменена дрэвам і банальна пафарбавана пад золата. На аздабленнее тэатра каштоўным матэрыялам сучаснікамі пайшло каля 7 з паловай кілаграмаў сусальнага золата.
Зараз пра яго можна смела сказаць - форма, што адпавядае зместу. Пачынаючы з фасада і інтэр'ера да, вядома, творчага напаўнення. Зараз сюды імкнуцца сусветныя зоркі оперы, балета і інструментальнай музыкі.
І ў артыстаў, і ў гледача Вялікі тэатр нараджае пачуццё эстэтычнага задавальнення, адказнасці за ўсю гэтую прыгажосць і гонару за яе. Бо мы зрабілі гэта разам.
