Пытанні прававога рэгулявання сёння абмяркоўвалі ў Палацы Незалежнасці. Гэта тэмы, якія так або інакш датычацца кожнага з нас. Абнаўленні патрабуе Грамадзянскі кодэкс. Карэкціроўкі наспелі зыходзячы з запыту часу. Мяркуецца, што новаўвядзенні закрануць шматлікія сферы, у тым ліку працоўную і банкаўскую. Прыйшоў час таксама перагледзець інстытут адміністрацыйных працэдур. Іх пералік істотна скароцяць і перавядуць на адзіную электронную платформу. Проста, зручна, а якая эканомія часу. Будзе магчымасць атрымаць усю падрабязную інфармацыю пра тую або іншую працэдуру анлайн і адразу падаць заяўку па прынцыпе "аднаго акна". Многім такое новаўвядзенне спадабаецца яшчэ і таму, што будзе выключаны кантакт прадпрымальнікаў і чыноўнікаў (г.з. значна знізяцца карупцыйныя рызыкі). Ёсць яшчэ некалькі прынцыповых момантаў, якія патрабуе кіраўнік дзяржавы ад аўтараў усіх гэтых навэл - поўная інфармацыйная даступнасць і дэбюракратызацыя ўсіх працэсаў. Пра навацыі беларускага заканадаўства Ілона Красуцкая.
Апошнія гады ў Беларусі паслядоўна ўдасканальвалі заканадаўства. У сакавіку ўступілі ў сілу папраўкі ў Адміністрацыйны кодэкс. Затым абнавілі Працоўны. Змяненні закранулі крымінальныя. Такі прававы адказ на спробы дэстабілізацыі ў нашай краіне. Але і мэтанакіраваная праца па спыненні супрацьпраўнай дзейнасці - практыка сусветная. Да нядаўняга часу эксперты ацэньвалі нашы законы як занадта мяккія ў параўнанні з краінамі Еўропы і ЗША. Наступны этап - змяненні ў Грамадзянскі кодэкс. Усё гэта таксама не з наскоку, папярэдняя праца вялася некалькі гадоў.
У Беларусі плануюць змяніць Грамадзянскі кодэкс
Магчымыя навацыі абмяркоўвалі сёння на нарадзе ў Прэзідэнта. Сярод удзельнікаў усе знаёмыя асобы - аўтары апошніх заканадаўчых навэл. Прэзідэнт адразу папярэдзіць: прававыя карэкціроўкі не павінны ствараць лішніх праблем і пагроз. Шматлікія навацыі, якія мы толькі плануем укараніць у сябе, ужо працуюць у іншых дзяржавах, у прыватнасці, у партнёраў па ЕАЭС. Улічваючы, што мы будуем агульную эканамічную прастору, лагічна сінхранізаваць грамадзянскае заканадаўства.
У Беларусі плануюць увесці шматузроўневую сістэму рэгулявання адміністрацыйных працэдур
Яшчэ адно пытанне - удасканаленне інстытута адміністрацыйных працэдур. Ад таго як яны рэгулююцца, залежыць шмат. Па-першае, тэрміны. Залішняя цяганіна - гэты заўсёды час і нервы людзей. Інвестыцыйная прывабнасць краіны, напаўненне бюджэту і развіццё эканомікі ў цэлым - усё гэта таксама ўзаемазвязана. Новы праект указа, які прадугледжвае шматузроўневую сістэму рэгулявання, падрыхтаваны.
Цяперашні спіс адміністрацыйны працэдур істотна скароцяць і перавядуць на электронную платформу. Лічбавізацыя, вядома, спрашчае шматлікія моманты, але ўсё ж бываюць выпадкі, калі сістэма можа даць збой.
Апошні час сапраўды было шмат зроблена ў плане спрашчэння заканадаўства. 8 дэкрэт для ПВТ, прэферэнцыі бізнесу. Але не ўсе засталіся ўдзячныя за гэтыя бонусы.
Карэкціроўка Грамадзянскага кодэкса: што зменіцца для прадпрыемстваў і грамадзян
Што прапануюць змяніць у Грамадзянскім кодэксе? Некаторыя юрасобы змогуць працаваць на падставе зацверджанага ўрадам тыпавога статута. Зараз жа пры рэгістрацыі неабходна распрацаваць уласны. Змяненні закрануць здзелкі, якія заключаюць з непаўналетнімі. У гэтым выпадку дастаткова будзе аднаго законнага прадстаўніка. Маладыя людзі ад 14 да 18 змогуць стаць удзельнікамі дробнай бытавой здзелкі пры ўмове, калі яна не перавысіць тры базавыя. А вось камерцыйная дзейнасць у краіне замежных арганізацый надалей зможа весціся толькі пры ўмове стварэння філіяла. Пра прадпрымальніцкую дзейнасць прадстаўніцтваў можна будзе забыць. І яшчэ адно новаўвядзенне асабліва ацэняць тыя, хто не любіць афішаваць асабістыя звесткі ў Сетцы.
Прапанаваныя карэкціроўкі для Грамадзянскага кодэкса кіраўнік дзяржавы сёння адобрыў, як і новы праект указа па ўдасканаленні адміністрацыйных працэдур. Дарэчы, тэставая версія рэестра ўжо створана, хутка прэзентацыя.
Даручэнне Савету Рэспублікі: Праводзіць фінальную экспертную ацэнку заканадаўчых актаў
Прагучала сёння ад Прэзідэнта і даручэнне Савету Рэспублікі - арганізаваць правядзенне фінальнай экспертызы заканадаўчых актаў перад тым, як яны апынуцца на стале ў кіраўніка дзяржавы.
Наперадзе ў абноўленага Грамадзянскага кодэкса і сістэмы рэгулявання адміністрацыйных працэдур некалькі фільтраў: Палата прадстаўнікоў і Савет Рэспублікі павінны дапрацаваць гэтыя дакументы ў комплексе. У цэлым жа кіраўнік дзяржавы новыя падыходы адобрыў.
