Аляксандр Лукашэнка даў вялікае і адкрытае інтэрв'ю аўтару праграмы "Дзеючыя асобы" на тэлеканале "Расія-1" - журналісту Наілі Аскер-задэ. Кіраўнік дзяржавы расказаў, ці лічыць Уладзіміра Пуціна сваім сябрам, калі чакаць у Беларусі праект новай Канстытуцыі, як рэагуе на санкцыі Захаду і чаму не трымае зла на прэзідэнта Украіны Уладзіміра Зяленскага.
Дарэчы, інтэрв'ю ў гэтай праграме даў і малодшы сын Аляксандра Лукашэнкі - Мікалай.
Расказвае Ілона Красуцкая.
Наконт гэтага інтэрв'ю дамаўляліся больш чым год. Здымкі ўвесь час пераносіліся з-за шчыльнага графіку беларускага прэзідэнта. У выніку дзеля эксклюзіву аўтару праграмы "Дзеючыя асобы" прыйшлося адкласці падрыхтоўку да святаў і экстранна выехаць у Мінск. Здымалі за некалькі дзён да Новага года.
Увесь мінулы тыдзень Наіля Аскер-Задэ як магла інтрыгавала гледача ў сацсетках. Вось яна выйшла на лёд з Аляксандрам Лукашэнкам.
Аказалася ў яго рабочым кабінеце.
А зараз наш прэзідэнт сам вязе яе за рулём аўтамабіля.
Частуе ў бацькоўскім доме на радзіме ў Александрыі.
А вось сэлфі з малодшым сынам прэзідэнта Мікалаем.
А. Лукашэнка: На рэферэндуме людзі вызначаць, быць новай Канстытуцыі ці не быць
Госця з Расіі, вядома, ледзь не ў першую чаргу спытаецца пра адносіны паміж краінамі і далейшыя ўмовы для інтэграцыі. Пра сяброўства з Пуціным таксама было.Прэзідэнт расказаў, што санкцыі Захаду яго не хвалююць, а ад сваёй шматвектарнай палітыкі Беларусь адмаўляцца не збіраецца, што б ні адбывалася. Прыклад. Дыпадносіны з Украінай застылі, але эканоміка набірае абароты. На Зяленскага Аляксандр Лукашэнка зла не трымае. А калі б адбылася сустрэча, абавязкова б павітаўся.
Прэзідэнт: Мы можам весці дыялог з кім заўгодна, калі гэтага хтосьці жадае
Чарговы раз расійскія калегі спыталіся прэзідэнта аб падрабязнасцях той чатырохгадзіннай сустрэчы ў следычым ізалятары КДБ з прадстаўнікамі апазіцыі. Аляксандр Лукашэнка аб ёй не шкадуе.
Мікалай Лукашэнка іграе на фартэпіяна і вучыць іспанскую мову
Пагутарыць Наілі Аскер-задэ ўдалося і з малодшым сынам прэзідэнта. Гэта вялізны журналісцкі поспех, усё-такі першае дарослае інтэрв'ю Мікалая Лукашэнкі. Гледачы даведаліся пра тое, што Мікалай па-ранейшаму захапляецца біялогіяй і хіміяй, іграе на фартэпіяна ўжо 7 гадоў, выдатна валодае англійскай мовай, а зараз яшчэ вучыць іспанскую. З бацькам яны абмяркоўваюць палітыку дома, і як ва ўсіх сем'ях спрачацца таксама даводзіцца.Прэзідэнт адкрыта сказаў, што 2020 праводзіў з пачуццём надзеі. Наперадзе вялікія мэты - новая пяцігодка. Яе трэба спланаваць, а яшчэ вырашыць задачы і пытанні, якія прагучаць на Усебеларускім народным сходзе.
Кіраўнік дзяржавы ўпэўнены, што ў будучыні, калі будуць гаварыць пра эпоху Лукашэнкі, то яе будуць вызначаць як эпоху стабільнасці, міру і справядлівасці.
Яшчэ да выхаду ў эфір праграма выклікала вялізны рэзананс не толькі ў Беларусі і Расіі. Шматлікія важныя рэчы прагучалі ўпершыню. Гледачы па-новаму зірнулі на жыццё нашага прэзідэнта ў афіцыйным і нефармальным становішчы. У Instagram у аўтара праграмы мы паглядзелі на рэакцыю гледачоў.