Разам з правядзеннем суботнікаў па ўсёй краіне мясцовыя ўлады працягваюць маніторынг навядзення парадку на зямлі. За апошні тыдзень толькі ў Мінскай вобласці аператыўныя групы кантролю склалі амаль 200 адміністрацыйных пратаколаў за неналежны санітарны стан тэрыторый. Для некаторых уладальнікаў штраф выпісваўся двойчы, але і такія меры не паспрыялі навядзенню парадку. Падрабязнасці ў сюжэце Наталлі Кезік.
Прыгарад Мінска, да беларускай сталіцы 20 кіламетраў. Адна сотка зямлі, якая зараз занятая сметнікам - каля 20 мільёнаў рублёў. Смецце тут яшчэ з дзевяностых. Навесці парадак - і на гэтых гектарах маглі б з'явіцца жылыя дамы або дзіцячы сад са школай, якіх, дарэчы, так не хапае ў Бараўлянскім раёне. Але прыняць горы смецця зараз - задача за межамі магчымасці сельскага выканкама.
Зараз у камунальнай гаспадарцы Бараўлянскага выканкама працуе дзевяць чалавек і ёсць чатыры трактары. І каб навесці парадак на сметніку, патрэбная дадатковая спецтэхніка.
Гэтая пляцоўка магла б стаць раем для зборшчыкаў металалому. Але ўладальнікі гандлёвага аб'екта вырашылі пахаваць свае грошы і горы металалому ператварылі ў сметнік. Сцвярджаюць, што проста не паспяваюць вывозіць рэшткі ад разабраных аўто. Гэтак жа як і будаўнікі не паспяваюць вывозіць будаўнічае смецце.
А воз смецця і цяпер там. Тыдзень таму прараб гэтай будоўлі атрымаў штраф за неналежны санітарны стан будпляцоўкі. Праз некаторы час сітуацыя крыху палепшылася, але горы смецця ўсё роўна працягваюць расці тут штодня.
Больш за тое, штраф не перашкаджае будаўнічай тэхніцы папаўняць несанкцыянаваны сметнік у пасёлку.
І гэтая гара пад плотам папаўняецца штодня жыхарамі пасёлка. Буйнагабарытнае смецце ўсе вязуць да смеццевай пляцоўкі. А спецтэхніка проста не паспявае вывозіць сухія галіны, старыя канапы і аўтамабільныя покрыўкі. Дарэчы, толькі прысутнасць нашай здымачнай групы спыніла вадзіцеля скінуць прычэп галінак пад плот.
Вось такім было гэтае месца тыдзень таму. Прыстойны выгляд смеццевая пляцоўка мясцовага гаражнага кааператыва набыла пасля візіту санстанцыі. Сёння мужчыны дружна выйшлі на суботнік. Смецце засталося прыбраць толькі побач з уездам.
Але для большасці пакараных штрафы не панацэя. Навёўшы парадак аднойчы, яго яшчэ трэба захоўваць пастаянна.
