У Гомелі ўдар стыхіі камунальныя службы прынялі ў поўным узбраенні. У кругласутачным рэжыме наступствы моцных снегападаў ліквідуе ўвесь парк спецтэхнікі "ГарСАПа". Адначасова на расчыстцы тратуараў, праезных часцей, дваровых тэрыторый занятыя больш за 120 адзінак. Дадаткова прыцягваюць транспарт іншыя арганізацыі. Каб гарантаваць бяспеку руху транспарта і пешаходаў, працуюць паўтысячы работнікаў дарожных і жыллёва-камунальных служб. На дапамогу спяшаецца і моладзь. Арганізаваныя БРСМ гарачыя лініі прымаюць заяўкі ад удзельнікаў Вялікай Айчыннай вайны, адзінокіх грамадзян, пенсіянераў.
Каб зіма не заспела знянацку, рыхтаваліся своечасова. Нарыхтавана больш за 40 тыс. т пясчана-саляной сумесі. Усяго на балансе - парадку 400 адзінак тэхнікі - снегапрыбіральныя машыны, пескараскідальнікі, пагрузчыкі, самазвалы, трактары для вывазу снегу. Дзяржаўтаінспекцыя просіць вадзіцеляў без патрэбы не выязджаць на асабістым аўто. Калі паездку адкласці не атрымліваецца, варта выконваць павышаную асцярожнасць, прытрымвацца зімовага стылю кіравання.
