Адкрыты акіян побач. Новы вучэбна-гістарычны адсек адкрыўся ў Мінскім цэнтры акіянаграфіі. Вопытныя палярнікі і біёлагі сабралі для юных аматараў больш за сотню рэдкіх экспанатаў. Марозныя мінералы вывучыла Таццяна Бажко.
Удзельнік беларускіх палярных экспедыцый біёлаг Юрый Гігіняк збіраў "марозную калекцыю" на працягу амаль пяці дзесяцігоддзяў. Зараз дзеліцца вопытам з экскурсантамі на борце Мінскага цэнтра акіянаграфіі. У новым вучэбна-гістарычным адсеку для палярных рарытэтаў асобная зала. Тут размясцілі сувеніры з Паўночнага і Паўднёвага полюсаў - марозныя мінералы, фотаздымкі, узоры прадстаўнікоў іхтыяфауны.
Антарктычны крыль, чырвоная гарганарыя, марскія вожыкі, малюскі... У палярным адсеку больш за сотню рэдкіх экспанатаў. Юныя аматары воднага свету будуць вывучаць іх пад мікраскопам.
Самы марозны кантынент - экалагічны запаведнік. Новыя віды флоры і фауны туды не завозяць. А вось антарктычныя эндэмікі - альбо жывыя арганізмы, якія могуць жыць толькі ў вечнай мерзлаце, у Мінску эксклюзіўны экспанат. Напрыклад, белакроўныя ледзяныя рыбы.
Здзейсніць падводную вандроўку вакол свету тут можна ўсяго за некалькі гадзін. Для юных даследчыкаў - амаль 200 відаў рыб і водарасцей. Мадэлі караблёў і лодак. Дзейнічаюць музей мінералаў, біялабараторыя, студыя мастацкай і навуковай фатаграфіі.
Да адкрыцця рыхтуецца таксама і зала Чорнага мора. А пакуль тона вады для яе новага жыхара - ската. Яго суседзямі стануць вясёлкавая цыхлазома, уару і рыба-пчолка.
Для абмену вопытам у навуковым цэнтры чакаюць дэлегацыю вучоных з Уладзівастока. А пасля плануюць наладзіць прамую сувязь з палярнай экспедыцыяй з дапамогай радыёкропкі.
