Палажэнне аб працы з кадрамі ў судах Беларусі плануюць зацвердзіць у новай рэдакцыі. Аб гэтым сёння заявіў намеснік старшыні Вярхоўнага суда Валерый Калінковіч у рамках пленума. Пытанне важнае, бо ад кадравага патэнцыялу, прафесіяналізму спецыялістаў і іх асабістых якасцяў залежыць эфектыўнасць працы судовай улады ў цэлым. Кадры вызначаюць крэдыт даверу людзей да інстытутаў судовай улады, а значыць, і дзяржаўнай улады ў цэлым.
У рамках пленума таксама плануюць зацвердзіць склад апеляцыйнай інстанцыі Вярхоўнага суда. Валерый Калінковіч адзначыў - пакуль у вытворчасці ў іх няма крымінальных спраў, якія б падлягалі разгляду з вынясеннем прыгавору, аднак новы закон уступіў у сілу, і трэба быць гатовымі да яго прымянення.
