Перагоншчыкі і аўтамабільныя фірмы ў чаканні навін з Польшчы. Мяркуецца, што менавіта сёння будзе знятая забарона або хаця б паступяць растлумачэнні для тых, хто захраснуў на мяжы і не можа прывезці ў Беларусь машыны.
Не так даўно Польшча, а следам за ёй і Латвія ўвялі абмежаванне на вываз аўтамабіляў у краіны ЕАЭС. Размова пра транспарт, аб'ём рухавіка якога перавышае 1,9 літра, а таксама пра машыны коштам больш за 50 тысяч еўра. Скаргі на забарону выезду паступаюць і з літоўскага боку.
Асабістых аўто гэта не датычыцца, як і прыгнаных са Злучаных Штатаў - гэты транспарт мяжу праходзіць спраўна.
Калі заявы не чарговы польскі жарт, то 1 красавіка краіна дасць растлумачэнні, як быць з машынамі, якія купілі на тэрыторыі Еўропы, а перагнаць у Беларусь і іншыя краіны ЕАЭС не атрымліваецца.
