На Абуз-Лясноўскім ваенным палігоне сёння пачаліся вучэнні пад назвай "Непарушнае братэрства - 2016". Афіцыйная легенда - падрыхтоўка і вядзенне аперацыі па падтрыманні міру. АДКБ пяты раз праводзіць такія вучэнні. У іх бяруць удзел вайскоўцы з Беларусі, Арменіі, Кыргызстана, Казахстана, Расіі і Таджыкістана. Усяго больш за тысячу афіцэраў і салдат са складу Узброеных сіл, унутраных войскаў і МУС усіх шасці краін - удзельніц Арганізацыі дагавора аб калектыўнай бяспецы.
Міратворцам трэба будзе адпрацаваць шэраг карысных навацый, якія адлюстроўваюць абноўленыя спосабы баявых задач. Упершыню калектыўныя міратворчыя сілы АДКБ атрымалі мандат Савета Бяспекі ААН і будуць дзейнічаць у крызісным рэгіёне ва ўзаемадзеянні з місіяй ААН. Дарэчы, на вучэнні запрошаныя прадстаўнікі не толькі сакратарыята Арганізацыі Аб'яднаных Нацый, але і Міжнароднага камітэта Чырвонага Крыжа.
