Словы кахання сёння будуць гучаць асабліва часта. Дзень святога Валянціна адзначаюць закаханыя па ўсім свеце. Па традыцыі 14 лютага прынята дарыць сваім палавінкам так званыя валянцінкі: паштоўкі, сувеніры або, напрыклад, ласункі ў выглядзе сэрца. З кожным годам падарункі закаханых становяцца ўсё больш незвычайнымі. У гэтым пераканалася Дзіяна Равякова.
"Лаў-сторы" - фотаздымка, якая пачуцці закаханых на доўгія гады адлюструе не толькі ў памяці, але і на паперы. Вынікам пачуццёвай фотасесіі стануць як мінімум 100 здымкаў аб вашым каханні. У Беларусі такі сумесны падарунак будзе каштаваць пары ў сярэднім 2 мільёны рублёў.
Гісторыя кахання Канстанціна і Златы пачалася яшчэ з пачатковых класаў. Зараз пара плануе пажаніцца, а фотасесія на Дзень усіх закаханых стала своеасаблівай рэпетыцыяй вясельнай урачыстасці.
А вось гэтая пара жаніцца пакуль не збіраецца, нягледзячы на тое што намеры ў маладых людзей вельмі сур'ёзныя. У гэты Дзень закаханых свае пачуцці Аляксей і Аляксандра вырашылі назаўжды захаваць на сваіх запясцях у выглядзе парнай татуіроўкі.
Такі падарунак на ўсё жыццё пары абыдзецца прыкладна ў 2 мільёны рублёў.
У Дзень усіх закаханых дарыць валянцінкі прынята як сваім палавінкам, так і дарагім сэрцу людзям. Псіхолагі ж упэўненыя: як 14 лютага, так і ў любы іншы дзень не варта забывацца пра любоў да самога сабе, і рэкамендуюць парадаваць сябе любімага, напрыклад, паходам у СПА-салон або на трэнінг асабістага росту.
Як варыянт трэнінгу для пары - так званая энеаграма. Прафесійны коўч растлумачыць закаханым, што ўсе людзі розныя. Энеаграма апісвае дзевяць тыпаў асобы, азнаёміўшыся з якімі палавінкі змогуць лепш разумець і прымаць саміх сябе і адно аднаго.
Варыянтаў выказаць свае пачуцці незлічонае мноства, і ўсё жа любы з іх стане толькі дадаткам да запаветнай фразы "Я цябе кахаю!"