Сталіца па выніках гэтага года прырасце на 760 тысяч квадратных метраў жылля. З гэтага аб'ёму - 160 тысяч для тых, хто мае патрэбу ў паляпшэнні жыллёвых умоў. Сёння ў Мінску ўзводзяць 113 дамоў. Яны ў рознай стадыі гатоўнасці. У скарбонку мегаполіса трапіць і адна арэндная шматпавярхоўка. Дом сабе замовіла сталічнае прадпрыемства, якое само будзе размяркоўваць кватэры ў арэнду сваім супрацоўнікам. Гэта пілотны праект, вопыт якога могуць тыражаваць. У цэлым жа больш за ўсё жылля сёння будуюць у Кастрычніцкім раёне Мінска. Развіваюць і аддаленыя ад горада пляцоўкі.
Дарэчы, адзін з трэндаў, якія будуць развіваць, напрыклад, у сталічных гарадах-спадарожніках - гэта індывідуальныя жылыя дамы. Новыя тэхналогіі, а гэта лёгкія стальныя танкасценныя канструкцыі, плануе масава асвоіць рэзідэнт Мінскага гарадскога тэхнапарка. Кампанія працуе на новай пляцоўцы на Партызанскім праспекце.
Дабавім, сярод перспектыўных і самых маштабных пляцовак для будаўніцтва кватэр у сталіцы такія жылыя комплексы, як Паўночны Бераг і Зялёны Бор. У сукупнасці там плануюць узвесці больш за восем мільёнаў квадратных метраў жылля.
