Марыя Тройніч даведалася, як такая экзотыка прыжылася ў нашым клімаце.
Не ў каралеўскіх садах, а на звычайным вясковым участку: у гаспадарцы Васіля Калюшыка паўліны важна ходзяць побач з індыкамі. Экзатычныя птушкі начуюць у звычайным куратніку, а днём лётаюць па дрэвах, гуляюць па навакольным лесе. Па словах пенсіянера, выпускаць на волю паўлінаў ён не баіцца: яны настолькі прывыклі да чалавека, што заўсёды вяртаюцца дадому.
Васіль называе сябе энтузіястам. Паўлінаў вырашыў завесці для прыгажосці з цікавасці
Пяць гадоў таму купіў дзвюх экзатычных птушак. А цяпер у гаспадарцы іх сямнаццаць. Нягледзячы на свой царскі выгляд, у доглядзе паўліны непатрабавальныя. Ядуць тое ж самае, што і куры.Да беларускага клімату паўліны адаптаваліся хутка, баяцца толькі моцных маразоў, таму зімой хаваюцца ў куратніку. Прывыкаць да вясковага побыту прыйшлося і гаспадару. Пасля выхаду на пенсію Васіль вырашыў пакінуць катэдж у абласным цэнтры і перабрацца бліжэй да прыроды. Кажа, шукаў максімальна экалагічнае месца.
