Інспектары прыродааховы ўнеслі шэраг змяненняў у адказнасць за парушэнні правілаў палявання. Напрыклад, калі раней браканьер быў злоўлены не з доказамі злачынства, а ў момант транспарціроўкі тушы жывёліны, ён мог лёгка апраўдацца. Як правіла, фразы я гэтае мяса знайшоў у лесе хапала, каб абысціся штрафам. Аднак зараз такой адгаворкі недастаткова, каб пазбегнуць адказнасці. Сёння, калі паляўнічы не зможа даказаць, што дзічыну ён здабыў законным чынам, яму можа пагражаць нават крымінальная адказнасць. А гэта да 3 гадоў пазбаўлення волі. І гэта ўсяго адно з тых новаўвядзенняў, з якімі трэба азнаёміцца ўсім паляўнічым. Пра астатнія змяненні ва ўмовах лясной здабычы раскажа Юрый Шаўчук.
Багажнік напоўнены свежым мясам забітага лася - такі вынік праверкі аўтамабіля жыхара аграгарадка Слабада. Ні стрэльбы, ні дазволу на паляванне вадзіцель прад'явіць не змог. А на лагічнае пытанне аператыўнікаў, адкуль дзічына, мужчына адказаў даволі банальна: Знайшоў у лесе. Гэтая адгаворка дапамагла абысціся затрыманаму толькі штрафам. Але інспектары прыродааховы ўпэўненыя, што такое апраўданне выкарыстоўваюць самыя сапраўдныя браканьеры.
Вольга Грамовіч, прэс-сакратар Дзяржаўнай інспекцыі аховы жывёльнага і расліннага свету пры Прэзідэнце Беларусі: Ёсць падазрэнне, што ён не адзін прымаў удзел у незкаонным паляванні. І зараз следства адпрацоўвае ўсе магчымыя варыянты для таго, каб даказаць яго дачыненне да незаконнага палявання.
Не паляваў, не страляў, не забіваў. Каб накласці табу на такія любімыя фразы браканьераў, у Крымінальны кодэкс Беларусі напярэдадні былі ўнесеныя змяненні. Сёння адказваць перад законам будуць не толькі браканьеры, злоўленыя з доказамі злачынства, але і тыя, хто нібы проста перавозіць дзічыну ў машыне.
Гэта значыць, калі раней дзякуючы геніяльнай фразе я гэтае мяса знайшоў браканьер мог абысціся ўсяго толькі штрафам, роўным 4,5 мільёна рублёў, то сёння за такую знаходку парушальніку можа пагражаць і крымінальная адказнасць. А гэта да 3 гадоў пазбаўлення волі.
На думку спецыялістаў, такая мера прымусіць задумацца ўяўных санітараў лесу перад тым, як чарговы раз падабраць мяса забітага звера. Таксама паляўнічым да таго, як узяцца за стрэльбу чарговы раз, варта вывучыць яшчэ некалькі новых правіл.
Вольга Грамовіч, прэс-сакратар Дзяржаўнай інспекцыі аховы жывёльнага і расліннага свету пры Прэзідэнце Беларусі: Ёсць і іншыя папраўкі. Найбольш істотныя - гэта тое, што некаторыя часткі крымінальных артыкулаў дапоўненыя фармулёўкай займаць пэўную пасаду альбо займацца пэўнай дзейнасцю. Г. зн. калі чалавек асуджаны па пэўным артыкуле, то быць паляўнічым ён ужо доўгі час не зможа.
Што да парушальнікаў, затрыманых у Барысаўскім раёне, то ім пагражае толькі штраф. Справа ў тым, што яны папаліся да ўступлення новых паправак у сілу. Сёння ж, калі санітары лесу надумаюць зноў нібы падабраць тушу забітага звера, то найбліжэйшыя тры гады на паляванне яны могуць не разлічваць.
