Дарожныя службы сталіцы працуюць ва ўзмоцненым рэжыме кругласутачна. На ўборцы снегу і апрацоўцы вуліц супрацьгалалёднай сумессю штодня задзейнічана каля 600 адзінак спецтэхнікі. Расчысткай тратуараў і прыдамавых тэрыторый займаюцца спецыялісты камунальных службаў - больш за 700 прыбіральшчыкаў. Снег звозяць на 9 пляцовак часовага складзіравання, а таксама на снегаплавільны пункт. З пачатку зімы з вуліц сталіцы вывезена больш за 20 тысяч кубоў. Разам з тым, у Мінску працягваецца ліквідацыя наступстваў ветранай стыхіі. Так, у Савецкім раёне аднаўляюць прыпынкі грамадскага транспарту, у тым ліку і планава.
Завеі, галалёдзіца і моцны вецер. На бліжэйшыя дні ў Мінску аб’яўлены аранжавы ўзровень небяспекі з-за складаных умоў надвор'я. Сёння і заўтра парывы ветру могуць дасягаць 20 метраў за секунду. Нестабільнымі будуць і тэмпературныя паказчыкі. Днём чакаецца ад плюс 1 да мінус 5 градусаў. Ноччу слупкі тэрмометраў апусцяцца да 7 марозу.
