Вывучэнне космасу, мастацтва дэфіле і экскурсіі ў мінулае. Вызначаны ўладальнікі ганаровага звання "Вучань года Мінскай вобласці - 2023". Лепшым стаў 21 школьнік у сямі намінацыях - навучальная, праектная, спартыўная, грамадская, творчая дзейнасць. З юными талентамі пазнаёмілася Карына Гурэвіч.
Пакарыць космас і даследаваць планеты сонечнай сістэмы - толькі віртуальна. Ілья Юшкевіч увасобіў дзіцячую мару ў сваім камп'ютары. Простая экшн-гульня раскрывае сакрэты сусвету, а сайт - апавядае пра ўсе дасягненні беларусаў у касмічнай прасторы. Распрацоўка ўжо стала часткай навучальнага працэсу ў роднай школе.
У праектным арсенале школьніка не толькі бязмежны космас. Званне «Вучань года» Ілья Юшкевіч заслужыў таксама за анлайн-энцыклапедыю «LOST Беларусь». Зборнік захоўвае вялікую гісторыю страчаных замкаў, гарадоў і артэфактаў нашай краіны.
Для Вікторыі Дунінай усё жыццё - гэта танец. У два гады яна выкручвала піруэты перад бацькамі, а цяпер - на сцэне перад глядзельнай залай. Бясспрэчная падтрымка - мама не прапускае ніводнага выступлення. Але сапраўднае захапленне - подыум. У свае 17 юная мадэль ужо супрацоўнічае з вядомым брэндам беларускага адзення.
За плячыма таленавітай вучаніцы музычная, мастацкая школы, мае поспехі Вікторыя і ў вучобе. Цяпер рыхтуецца да паступлення ў БДУ, каб стаць вэб-дызайнерам і максімальна раскрыць свой патэнцыял.
Жодзінская сярэдняя школа № 6 - самая вялікая ў горадзе. Тут вучацца амаль 1,5 тысячы вучняў. Адны мараць стаць акцёрамі ці музыкантамі, іншыя робяць стаўку на эканоміку і замежную мову. І кожны можа разлічваць на падтрымку педагогаў.
Вось ужо амаль 10 гадоў у Мінскай вобласці ўзнагароджваюць "вучняў года". Сёлета сярод пераможцаў - 21 школьнік у 7 намінацыях, такіх як спартыўная, грамадская і творчая дзейнасць. Усяго ж на раённым і абласным этапах конкурс аб'яднаў амаль 2 тысячы таленавітых і натхнёных вучняў.
