Сталічны сквер імя Васіля Цвяткова цяпер упрыгожваюць арт-лаўкі. Дызайнерскія месцы для адпачынку ўсталявалі ў рамках штогадовага агляду-конкурсу.
Канструкцыі прэзентавалі прадпрыемствы і арганізацыі Кастрычніцкага раёна Мінска. Журы ацэньвала зручнасць і функцыянал, а таксама візуал і ўстойлівасць аб'ектаў да розных умоў надвор'я.
Усяго ў сталіцы зараз звыш 30 арт-алей. Новыя лакацыі мінчане атрымаюць і да Дня горада.
