З-за спякоты напружаная сітуацыя ў лясах Беларусі. Абмежаванні на наведванне масіваў уведзены ва ўсіх раёнах Мінскай вобласці. Нельга заязджаць на асабістым транспарце. Пры гэтым збор ягад і грыбоў пакуль дазволены. Рабіць гэта важна з асаблівай асцярожнасцю, выконваючы правілы пажарнай бяспекі - не распальваць агонь і прыбіраць за сабой смецце, асабліва шкло, якое можа справакаваць узгаранне.
Супрацоўнікі лясных гаспадарак сочаць за масівамі пры дапамозе камер відэаназірання, а таксама дронаў. Тэрыторыю аб'язджаюць на аўта- і мотатэхніцы.
