22 сакавіка - дата, пра якую ведае кожны беларус. Дзень трагедыі ў Хатыні. Яе спалілі разам з жыхарамі 80 гадоў назад. 22 сакавіка 1943 года ў невялікай лясной вёсачцы на 26 двароў спынілася жыццё. У памяць аб 149 яе жыхарах, якія загінулі ад рук нацысцкіх катаў, кожныя 30 секунд нагадвае звон.
Доўгі час інфармацыя аб хатынскіх карніках была закрытай. Усе ведалі толькі адно - яе спалілі фашысты. Параўнальна нядаўна гісторыкі і архівісты асцярожна сталі гаварыць пра 118-ты ўкраінскі паліцэйскі батальён, які мае дачыненне да знішчэння Хатыні.
Крымінальныя справы на хатынскіх катаў ляглі ў аснову новага дакументальнага фільма "Яны спальвалі Хатынь" з серыі "Без тэрміна даўнасці" - сумеснага праекта Агенцтва тэленавін і Камітэта дзяржбяспекі Беларусі.
Ён выйдзе ў эфір у дзень трагедыі, 22 сакавіка, перад "Панарамай" на "Беларусь 1" і "Беларусь24". Аўтар фільма - Алена Борматава - дэтальна пра таемнае ў справах ваенных злачынцаў (падрабязнасці ў відэа).
