Экскурс у гісторыю прафсаюзнага руху ў Беларусі для школьнікаў

З якога ўзросту падлетак можа афіцыйна працаваць. Якімі правамі і абавязкамі, льготамі і магчымасцямі валодае малады спецыяліст пры ўладкаванні на працу. Пра гэта сёння са старшакласнікамі 4-й сярэдняй школы Мінска гаварылі прадстаўнікі прафсаюзнай арганізацыі, якая сёлета адзначае векавы юбілей. Адкрыты урок для школьнікаў стаў і своеасаблівым экскурсам у гісторыю прафсаюзнага руху ў Беларусі.

Дарэчы, адна з найстарэйшых навучальных устаноў Мінска, што знаходзіцца ў Ленінскім раёне,  таксама адзначае дзень нараджэння - 115 гадоў. На працягу года запланаваны юбілейныя мерапрыемствы з удзелам усіх класаў.

Згодна з архіўнымі звесткамі, у 1906 годзе школа была адкрыта як прыватная мужчынская гімназія і знаходзілася ў сучасным будынку гістарычнага факультэта БДУ. Статус гарадской школы № 4 яна набыла толькі ў 1918 годзе.