Новыя магчымасці для трэніровак атрымалі сёння і навучэнцы 30-й гімназіі Мінска. Абнавіць спартыўны інвентар дапамагла Беларуская федэрацыя лыжных гонак. Школьнікі і так паспяхова ўдзельнічаюць у раённых і гарадскіх спаборніцтвах па лыжных гонках і біятлоне, а сучасная экіпіроўка - 25 пар бегавых лыж - дасць магчымасць палепшыць спартыўныя навыкі.
Такія спартыўныя падарункі гэтай зімой атрымалі больш за паўсотні сярэдніх школ і гімназій па ўсёй краіне.
