Зазірнуць унутр "міністэрскай кухні" і паглядзець на тое, што не трапляе ў аб'ектывы навінавых камер. Новы моладзевы праект "Адзін дзень з міністрам" стартаваў у Міністэрстве адукацыі. Так, цэлы дзень з Ігарам Карпенкам правялі двое навучэнцаў Фаніпальской сярэдняй школы. Рабочы графік распісаны практычна па хвілінах: правесці нараду з кіраўніцтвам Навукова-тэхналагічнага парку БНТУ, узгадніць прызначэнне кандыдатуры на новую пасаду, а таксама праверыць гатоўнасць да ўводу ў эксплуатацыю пасля капрамонту корпуса цэнтра мастацкай творчасці дзяцей і моладзі.
Акрамя гэтага, школьнікі паспелі разам з міністрам адукацыі правесці рабочую нараду па арганізацыі навагодніх мерапрыемстваў. А пад канец рабочага дня традыцыйна - подпіс дакументаў і пастаноўка новых задач і даручэнняў. Для адзінаццацікласнікаў такі вопыт карысны. Дарэчы, праект будуць праводзіць на пастаяннай аснове.
