У чацвёртай медустанове горада дзякуючы праграме грантавай дапамогі ўрада Японіі "Карані травы" з'явілася сучаснае японскае абсталяванне. Штогод стацыянарнае лячэнне тут праходзяць 9 тысяч чалавек і не толькі жыхары абласнога цэнтра, але і 19 населеных пунктаў Гомельскага раёна. Зараз тут можна дыягнаставаць захворванні страўнікава-кішачнага тракту, у тым ліку анкалогію на ранніх стадыях. У планах укараненне ў практыку выдалення паліпаў з прымяненнем новага абсталявання.
Хіракі Такунага, пасол Японіі ў Беларусі:
"Мы вельмі радыя дапамагчы беларусам, таму што наш японскі народ суперажывае пацярпелым беларусам, гэта агульная трагедыя ядзерных катастроф, і мы заўсёды рады дапамагчы беларусам у пераадоленні наступстваў аварыі. І мы будзем працягваць такую дапамогу, асабліва ў гэту галіну".
За апошнія 14 гадоў Японія рэалізавана ў Беларусі 42 праекты па аказанні дапамогі на 3 з паловай мільёны долараў. Большая частка з іх менавіта ў Гомельскай вобласці, як найбольш пацярпелай ад катастрофы на ЧАЭС.
