Маладыя клёны і ліпы сёння пасадзілі беларускія спартсмены і прадстаўнікі Міністэрства лясной гаспадаркі недалёка ад спарткомплексу. У краіне пяты год запар праходзіць акцыя "Чысты лес". Да яе далучыліся студэнты, школьнікі, кіраўнікі ўсіх узроўняў - усяго каля 60 тысяч добраахвотнікаў. Яны не толькі садзяць дрэвы, але і наводзяць парадак у лесе.
Максім Рыжанкоў, першы віцэ-прэзідэнт НАК Беларусі: "Нашы спартсмены сацыяльна адказныя не толькі ў спорце, а яны сацыяльна адказныя людзі. Яны таксама беражліва ставяцца да навакольнага асяроддзя, яны сапраўдныя патрыёты сваёй краіны, любяць сваю прыроду".
Аляксандра Наркевіч, сярэбраны прызёр Алімпійскіх гульняў па мастацкай гімнастыцы:
"Вось зараз праходзіць такая акцыя. Я думаю, што гэта вельмі добрая нагода нас усіх зноў сабраць, каб мы дапамагалі. Задзейнічаць у гэтым хочацца яшчэ больш спартсменаў, яшчэ больш людзей. Мне здаецца, гэта рабіць трэба часцей, чым раз на год. Ну і такім спосабам мы будзем падтрымліваць чысціню ў нашай краіне".
Усяго ў акцыі прынялі ўдзел 20 тысяч чалавек. Іх галоўная мэта - ачысціць лясы ля аўтамабільных дарог. Дарэчы, зараз там схавана каля 400 камер відэаназірання, якія дапамаглі злавіць ужо больш за сотню парушальнікаў.
