"Тыдзень лесу" ў Беларусі. Унесці свой уклад і пасадзіць дрэва можа кожны

40 тысяч удзельнікаў і 18 мільёнаў запланаваных насаджэнняў. Такія першыя лічбы акцыі "Тыдзень лесу". Міністэрства лясной гаспадаркі прымеркавала зялёны марафон да Года малой радзімы і 75-годдзя Вялікай Перамогі. Напярэдадні школьнікі, працоўныя калектывы і дзяржорганы высадзілі елкі ў скверы ля мемарыяльнага комплексу "Курган Славы". Галоўная мэта акцыі - прыцягнуць увагу да беражлівага стаўлення да ляснога фонду.

Акрамя пасадкі зялёных насаджэнняў, удзельнікі акцыі наводзяць парадак ля помнікаў і сквераў, а таксама рэстаўруюць месцы масавага адпачынку людзей. Акцыя прадоўжыцца да 4  красавіка.