Да такога рашэння прыйшлі ўдзельнікі пасяджэння Еўразійскай групы па процідзеянні легалізацыі злачынных прыбыткаў і фінансавання тэрарызму ў Бішкеку. У склад структуры ўваходзяць 9 краін, у тым ліку Беларусь, Расія, Кітай і Індыя. Асноўная задача групы - удасканаленне нацыянальнага заканадаўства, выяўленне агульных рызык і пагроз, а таксама процідзеянне адмыванню грошай і фінансаванню тэрарызму. Падчас пасяджэнняў удзельнікі высока ацанілі беларускі вопыт у сферы процідзеяння ілжэструктурам.
Вячаслаў Рэўт, дырэктар дэпартамента фінансавага маніторынгу Камітэта дзяржкантролю Беларусі: "Па выніках гэтай ацэнкі будзе прымацца рашэнне аб стабільнасці не толькі сістэмы сілавога процідзеяння злачынствам, але і аб стабільнасці нашай фінансавай сістэмы. Гэта дае магчымасць перагледзець рэйтынгі, якія на сённяшні дзень стала публікуюцца і бяруцца банкамі за аснову для разліку крэдытаў. На сённяшні дзень мы знаходзімся ў 7-й групе рызык, гэта вельмі высокія працэнтныя стаўкі. І калі вынікі ацэнкі ў нас будуць здавальняючыя, мы можам разлічваць на паніжэнне кошту крэдытных рэсурсаў".
Удзельнікі разгледзелі пытанні, звязаныя з дзейнасцю групоўкі "Ісламская дзяржава" і актывізацыяй высілкаў у барацьбе з яе фінансаваннем.
