Работнікі лясной гаспадаркі Мінскай вобласці напярэдадні прафесійнага свята атрымалі ўзнагароды за плённую і самаадданую працу. У Мінскай вобласці на тэрыторыі 15 тысяч гектараў за парадкам у зялёных гушчарах сочаць больш за два дзясяткі лясгасаў. А гэта сотні работнікаў - ляснічыя, інжынеры, вадзіцелі.
Галіна развіваецца актыўна. Акцэнт - на дрэваапрацоўку, пашырэнне рынкаў збыту. Так, напрыклад, у Старадарожскім вопытным лясгасе развіваюць праект вытворчасці па выпуску паліўных гранул. Ідзе будаўніцтва пелетных заводаў у Лагойскім і Чэрвеньскім лясгасах.
Перспектывы развіцця лясной галіны
Таксама ідзе будаўніцтва і мадэрнізацыя сушыльных комплексаў, іх аснашчаюць сучасным абсталяваннем. Развіваецца лясная гаспадарка і ў сферы інфармацыйных тэхналогій. Сёлета ў прамысловую эксплуатацыю ўвялі адзіную дзяржаўную аўтаматызаваную інфармацыйную сістэму ўліку драўніны.
