Зусім крыху і мы станем сведкамі гістарычнай падзеі. Ужо ў гэты чацвер, 21 сакавіка, упершыню грамадзянін суверэннай Беларусі адправіцца ў космас.
Удвая эпахальная падзея, бо гэта будзе першы касманаўт-жанчына. Асноўным удзельнікам для касмічнага палёту выбрана Марына Васілеўская. Камандзір экіпажа - ураджэнец нашай краіны, Герой Расіі, касманаўт Алег Навіцкі.
Сёння яны прама з Байканура былі на сувязі з Палацам Незалежнасці. Аляксандр Лукашэнка прывітаў экіпаж і, вядома, падтрымаў перад стартам. Размова атрымалася вельмі пазітыўнай, шмат жартавалі. А як інакш?! Камандзе і асабліва нашай Марыне Васілеўскай патрэбен толькі пазітыўны настрой. Для яе гэта, безумоўна, вельмі хвалюючы момант. Хвалюецца, падтрымлівае і верыць у яе ўся краіна. Палёт на МКС - новая планка для Беларусі як касмічнай дзяржавы.
Старт карабля 21 сакавіка Белтэлерадыёкампанія пакажа ў прамым эфіры. Падрабязнасці сённяшняй размовы Мінск - Байканур - у Ілоны Красуцкай (відэа).
