На "Славянскім братэрстве - 2020" сёння пачнецца другі этап вучэнняў

У Беларусі працягваецца стратэгічнае вучэнне "Славянскае братэрства - 2020". Сёння пачаўся другі этап беларуска-расійскіх манеўраў. Яго характар - абарончы. Задзейнічаюць каля 6 тысяч вайскоўцаў і больш за паўтысячы адзінак баявой тэхнікі. Пры гэтым  ад Узброеных Сіл Расіі ўдзельнічаюць каля 1 000 чалавек і да 100 адзінак баявой тэхнікі. Анонс сённяшняга дня - у матэрыяле Юрыя Шаўчука.

Ужо сёння на "Славянскім братэрстве - 2020" пачнецца другі этап вучэнняў. На гэты дзень запланавана  шмат практыкаванняў, але сярод іх самыя асноўныя - гэта дэсантаванне тэхнікі і асабістага саставу парашутным спосабам, а таксама перакідка тэхнікі на пагражальны кірунак".

Сёння да вучэнняў далучыцца авіяцыя. Прыкрываць спецназ падчас дэсантавання будуць знішчальнікі. Паводле легенды адбудзецца нават паветраны бой паміж самалётамі МіГ-29 і Су-30. Пасля высадкі разведгруп далучыцца і штурмавая авіяцыя, якая знішчыць праціўніка з паветра. Таксама сёння пройдзе захоп мяжы і адбіццё спроб прарыву праціўніка. Ну а ў фінале войскі вызваляць захоплены населены пункт і арганізуюць засады на маршрутах бандфарміраванняў.

Плануецца, што прадоўжыцца "Славянскае братэрства - 2020" да 25 верасня ў форме аператыўна-тактычнага вучэння. Асноўны меседж далейшых практычных дзеянняў - вядзенне сумесных аперацый у інтарэсах гарантавання ваеннай бяспекі Саюзнай дзяржавы. 

Сённяшнія практыкаванні будуць аж да позняй ночы. Плануецца, што ў цемры вайскоўцы павінны правесці дзеянні на межах блакіравання, а таксама адбіць спробы прарыву незаконных бандфарміраванняў.