Праверыць гатоўнасць спартыўных аб'ектаў, якія задзейнічаны ў правядзенні II Гульняў краін СНД, а таксама функцыянал усіх службаў. На базе БДУФК пачаў працу арганізацыйна-кардынацыйны цэнтр мультыспартыўнага форуму. Яго адкрыццё супала са стартам тэставых спаборніцтваў. На працягу двух тыдняў у спаборніцкім рэжыме будуць праэкзаменаваныя не толькі спартыўныя пляцоўкі, але і здольнасць персаналу рэагаваць на пазаштатныя сітуацыі.
Эстафета тэставых турніраў пачалася з Маладзечна і Салігорска. Тут сёння стартуюць спаборніцтвы па пляжным валейболе, грэка-рымскай і вольнай барацьбе адпаведна.
Ужо заўтра далучыцца Гродна, дзе пачнецца спартакіяда па хакеі на траве. Усяго будзе пратэставана больш як 20 спартыўных арэн і пляцовак.
