Перамяшчэнне сталічных аўтааматараў ўскладняе надвор'е. На слізкім пакрыцці павялічваецца тармазны шлях. Ападкі і туман уплываюць на бяспеку кіравання. Так, сёння на вуліцы Кісялёва сутыкнуліся два аўтамабілі. Кіроўца Renault рухалася па вуліцы Куйбышава, не заўважыла забараняльны знак, ажыццявіла паварот налева і сутыкнулася з аўтамабілем Mercedes. У выніку ДТЗ 48-гадовая кіроўца Renault была шпіталізавана. Па факце здарэння праводзіцца праверка.
І яшчэ адно ДТЗ - ужо на кальцавой. На знешнім кальцы 39-га км МКАД сутыкнуліся два грузавыя аўтамабілі. Кіроўца Mercedes, рухаючыся ў напрамку вуліцы Ціміразева, пры перастраенні не пераканаўся ў бяспецы манеўру і сутыкнуўся з грузавой машынай Renault з паўпрычэпам. У выніку аўтамабіль Renault выехаў за межы праезнай часткі, а Mercedes увайшоў у некіраваны занос і ўчыніў наезд на раздзяляльную агароджу. Пацярпелых няма. На месцы працуюць супрацоўнікі ДАІ Цэнтральнага раёна.
