Навагодні настрой прыйшоў і на тэрыторыю гісторыка-культурнага комплексу "Лінія Сталіна". Там адкрылася рэзідэнцыя Дзеда Мароза. Тут да традыцыйнага ўбору святочнага героя дадалася і армейская атрыбутыка: каракулевы каўнер і шапка з чырвонай зоркай. Першымі гасцямі генеральнага святочнага штаба сталі выхаванцы школ-інтэрнатаў. Хлопчыкі і дзяўчынкі прайшлі цікавыя выпрабаванні ("Снежная артылерыя", "Вясёлы снегавік", стральба з пнеўматыкі) і атрымалі падарункі.
Дзверы рэзідэнцыі Дзеда Мароза будуць адчынены да 7 студзеня. Кожны дзень гасцей чакае святочная праграма і казачныя персанажы.
На "Лініі Сталіна" адкрылася рэзідэнцыя Дзеда Мароза
21 декабря 2019