МУС дапоўніла спіс экстрэмісцкіх арганізацый

Міністэрства ўнутраных спраў абнавіла пералік арганізацый, фарміраванняў і прадпрымальнікаў, датычных да экстрэмісцкай дзейнасці. Спіс апублікаваны на сайце ведамства. Сярод іх з сённяшняга дня тэлеграм-канал і чат "Буслы ляцяць". Раней экстрэмісцкімі фарміраваннямі былі прызнаныя групы грамадзян, аб'яднаныя інтэрнэт-рэсурсам "Дзе chat" і ініцыятывай "Рабочы рух". Поўны рэспубліканскі спіс экстрэмісцкіх матэрыялаў апублікаваны на сайце Мінінфарма. Стваральнікі, арганізатары і ўдзельнікі экстрэмісцкіх фарміраванняў будуць прыцягвацца да крымінальнай адказнасці па артыкуле, які прадугледжвае да 7 гадоў пазбаўлення волі. Нагадаем, 12 кастрычніка была прынята пастанова Саўміна "Аб мерах процідзеяння экстрэмізму і рэабілітацыі нацызму". Дакумент рэгламентуе парадак прызнання груп грамадзян, якія ажыццяўляюць экстрэмісцкую дзейнасць, у тым ліку з выкарыстаннем месенджараў  і сацсетак, экстрэмісцкімі фарміраваннямі.