Музычны ранішнік для дзяцей са шматдзетных сем'яў адбыўся і ў Заводскім раёне сталіцы.
Малых забаўлялі казачныя персанажы: вадзілі карагоды, спявалі песні і разгадвалі цікавыя рэбусы. Трэба было здзівіць і зачараваць гаспадара зімы - Дзеда Мароза.
Пасля віншавальнай праграмы ўдзельнікаў свята чакалі салодкія навагоднія падарункі.
Гэтымі днямі ў Мінску падводзяць вынікі акцыі "Нашы дзеці". У падтрымку дабрачыннага марафону было арганізавана паўтысячы святочных мерапрыемстваў. У іх паўдзельнічалі прадстаўнікі грамадскіх аб'яднанняў, дзяржаўных устаноў, міністэрстваў, а таксама дыпламаты і валанцёры.