Працягваецца эстафета па добраўпарадкаванні - у мінулыя выхадныя працоўны дэсант маладых актывістаў прызямліўся на тэрыторыі Цэнтральнага аэраклуба ДТСААФ імя Героя Савецкага Саюза Сяргея Грыцаўца. Уборкай тэрыторыі займаліся ўдзельнікі ваенна-патрыятычнага клуба "Аскер" і актывісты БРСМ Партызанскага раёна. Менавіта на гэтай тэрыторыі ў верасні адкрыецца найбуйнейшы музей авіяцыйнай тэхнікі пад адкрытым небам і спартыўна-патрыятычны цэнтр.
Не толькі праца, але і вольны час. Арганізатары падрыхтавалі для моладзі экскурсію па музеі авіяцыйнай тэхнікі, таксама маладыя людзі ўсклалі кветкі да помніка, размешчанага на тэрыторыі аэраклуба. А ў завяршэнне ўдзельнікаў чакала салдацкая каша. Дарэчы, такія суботнікі будуць праводзіцца да сярэдзіны лета.
