Флешмоб з 700 студэнтаў медкаледжа адкрыў праграму акцыі "Магілёўская вобласць - тэрыторыя здароўя". Інфармацыйна-адукацыйны праект напоўнены масавымі спартыўнымі мерапрыемствамі на адкрытым паветры, семінарамі, канцэртнымі праграмамі. Праходзяць паказальныя выступленні фітнес-цэнтраў. У спартыўным комплексе "Алімпіец" можна прадэгуставаць фітачай, атрымаць кансультацыю тэрапеўта. Пройдуць спаборніцтвы па стрытболе, дартсе, прэзентацыя здаровага харчавання.
Святлана Нячай, галоўны ўрач Магілёўскага абласнога цэнтра гігіены, эпідэміялогіі і грамадскага здароўя: "Хочам паказаць, што выбар здаровага ладу жыцця - гэта лёгкі выбар. І што ў нашай краіне ёсць усе ўмовы і рэсурсы для таго, каб гэта рэалізоўваць і ў выніку дабіцца вырашэння той галоўнай задачы, якую ставіць урад - павялічыць працягласць жыцця насельніцтва і гарантаваць дэмаграфічную бяспеку краіны".
У акцыі бяруць удзел цэнтры прапаганды МНС і ДАІ з дэманстрацыяй тэхузбраення і кансультацыямі, як паводзіць сябе ў экстрэмальных сітуацыях.
